Պարտիզապուրակային գործունեություն

Պարտիզապուրակային գործունեությունն անընդհատ է, անսպառ և մենք այն կատարում ենք սիրով ու հավեսով։

Համով հոտով աշունը

Վստահ եմ՝ մառանները սիրում են աշնանը: Ինչու՞… դե դա այն շրջանն է, երբ դրանք լցվում եմ համով, հոտով, բարիքներով։ Իսկ որպեսզի մեր մառանները լիքը լինեն, պետք է ժրաջան աշխատանք, ինչպես աշխատում ենք այս վերջին շաբաթներին. էլ թթու դրեցինք, էլ խաղող կախեցինք, հիմա էլ արքայանարնջի չիր ենք պատրաստում, դե էլ չասեմ խաղողատունկին պատրաստվելն ու ջերմոցում հազարի սածիլումը։

 

Ճամփորդություն Ալաշկերտի խաղողի այգիներ

Ճամփորդություն դեպի Արմավիրի մարզ, Ալաշկերտ գյուղ
Մասնակցիներ՝ 5-րդ դասարանցիներ
Ժամկետը՝ Նոյեմբերի 6-ին ժամը 09:30-14:30

Վայրը՝ Արմավիրի մարզ, Ալաշկերտ գյուղխաղողի այգիներ

Պատասխանատուներ՝ Հասմիկ Պողոսյան, Շուշան Ալեքսանյան,

Նկարահանող, օրվա լուսաբանող՝ Լուսինե Պետրոսյան և կինո-ֆոտո ընտրությամբ գործունեության խումբ

Երթուղի՝  Երևան-Փարաքար-Պտղունք-Զվարթնոց-Մեծամոր-Ալաշկերտ

C5D0B8AB-3154-410D-9059-679786ED08ED

Նպատակը՝  սովորողներին ծանոթացնել և մասնակից դարձնել խաղողի վազերի մշակամանը, խաղողից գինի ստանալու արարողությանը, սովորեցնել մշակել, խնամել, ոչ միայն խաղողի այգիները, այլև խնամքով վերաբերվել պտղատու ծառերին։

Զվարթնոց տաճարում կրթահամալիրի տոնին նվիրված շնորհավորանք՝ կարդում ենք Թումանյան, Չարենց (ուղիղ եթեր)

Ընթացքը, նկարագրությունը՝

Սովորղներին կծանոթացնենք խաղողի վազերին, կսովորեցնենք տարբերել, կներկայացնենք՝ ինչպես են մշակում խաղողը, երբ է հասնում, երբ և ինչպես են գինի ստանում: Սովորողների հետ նոյեմբերի 6- ին կմեկնենք Արմավիրի մարզ, Ալաշկերտ գյուղի խաղողի այգիներ, 5-րդ դասարանի սովորող Վաղոյան Հայկի պապիկի՝ Խուրշուդյան Թոռնիկի մոտ: Այգուց կբերենք խաղողի տնկիներ և կհամալրենք Հարավային դպրոցի խաղողի այգին Շուշան Ալեքսանյանի հետ՝ իրականացնելով իր նախագիծը՝ տնկելով խաղողի 30 վազ, որը կնվիրենք կրթահամալիրի 30 ամյակին։

Առաջին կանգառ՝ Ալաշկերտ գյուղ՝ խաղողի այգիներ, խաղողի այգում կկատարենք կոմիտասյան պարերգեր՝ «Քաղենք խաղողը», «Բաղը քաղինք»։

Երկրորդ կանգառ՝ Հետադարձին կմտնենք Զվարթնոց տաճար, կընդմիջենք բրդուճներով, կկարդանք Թումանյան և Չարենց։

Անհրաժեշտ նյութեր

  • Ճամփորդական ուսապարկ, ջուր, բրդուճներ
  • աղբի տոպրակ, ձեռնոց
  • Ֆոտոխցիկ

Հաշվետու ֆիլմը՝ Լուսինե Պետրոսյանի

Ջերմոցը պատրաստում ենք աշնանային ցանքի

Ձերմոցում աշնանային մաքրման աշխատանքներ են ընթանում։ Մաքրում ենք գարնանը դրված սածիլները, ջերմոցը պատրաստում աշնան ցանքին և արդեն ստացած սածիլների տեղափոխմանը։

 

 

Աշնան պատվաստ

Վարպետության դասը պատվաստի մասին վարում է ընկեր Գուրգենը. նշեմ, որ մենք աշնան աչքապատվաստ արեցինք թթենու վրա։ Արդյունքը գարնանը կերևա….

Ջերմոցում աշխատանքային եռուզեռ է

Ջերմոցում աշնանացանի ժամանակն է։ Մարգերից մեկի մի մասը մաքրեցինք, փորեցինք, փոցխեցինք և հազարի սերմեր ցանեցինք, որպեսզի սածիլներ ստանանք։ Հետո սածիլները կտեղափոխենք համապատասխան վայր։

Ընտրությամբ գործունեության ծրագիր

 

Բույսերի և կենդանիների խնամք

Բույսերի խնամք ընտրությամբ գործունեությունը կրտսեր դպրոցի 4-5-րդ դասարաններում նախատեսվում է շաբաթական 4 ժամ:

Բույսերի և կենդանիների խնամք ընտրության գործունեության նպատակն է սովորողին փոխանցել տանը,  բակում և ընդհանրապես շրջակա միջավայրում բույսերին և կենդանիներին խնամելու, պահելու և աճեցնելու կարողություններ, հմտություններ: Բույսերի խնամք ընտրությամբ գործունեությունը հնարավորություն է տալիս սովորողներին ավելի մոտ գտնվել բույսին, սիրել ու խնամել և վերջապես ընտելացնել դրանց, իսկ ինչպես կասեր Անտուան դը Սենտ-Էքզյուպերին- <<Հավիտյան պատասխանատու ես նրա համար, ում ընտելացրել ես>>:

Բույսերի և կենդանիների խնամքի ուսումնական միջավայր է-

կրթահամալիրի Ագարակը

ջերմոց-լաբորատորիաները

դպրոցի արտաքին և ներքին բակերը, ինչպես նաև հարակից այգիները

Ընտրությամբ գործունեության բույսերի և կենդանիների խնամք ընտրած սովորողները դառնում են իրենց տարածքի պարտիզպանները, նրանք դառնում են ավելի ուշադիր իրենց շրջապատող աշխարհի նկատմամբ և սովորում են առաջնորդվել հետևյալ գաղափարով՝

-Առավոտյան հենց որ արթնանաս, լվացվես ու քեզ կարգի բերես, պետք է կարգի բերես նաև քո մոլորակը:

Մեր կարգախոսն է՝ մաքուր, խնամված, առողջ և բարեկարգ պահել մեր շրջակա աշխարհը:

Բույսերի խնամք ընտրությամբ գործունեության ժամանակ սովորողները աշխատում են հետևյալ նախագծերով.

Իմ բույսը, իմ կենդանին

Սերմնահավաք

Սերմնացան

Կանաչ պատ

Պարտիզապուրակային աշխատանքներ

Գետը քաղաքում

Բարձունքի հաղթահարում

Ծառա և ծաղկատունկ

Սածիլների ստացում և տեղափոխում

Ձոն ստուգատես

Ուսումնական ջերմոց

Դդմացան և այլն

Արդյունքում բույսերի և կենդանիների խնամք ընտրությամբ գործունեության ժամանակ սովորողները ձեռք են բերում կարողություններ ու հմտություններ, որոնք կիրառում են իրենց առօրյա կյանքում: Կատարած աշխատանքները հրապարակվում են սովորողների բլոգներում:

 

 

Ծառա-թփատունկ Հարավում և Արևմուտքում

Հարավային և Արևմտյան  դպրոցներում տնկեցինք բալենու, դեղձենու, ընկուզենու ծառեր և իհարկե շարունակում ենք բազմացնել աստղածաղկազգիները: