Դասընթացները` Ես և շրջակա աշխարհը, Պարտիզպան-այգեգործի ըտրությամբ գործունեություն, Բնագիտություն
Դասընթացների ծրագրերը՝
Բնագիտության առարկայական հեղինակային ծրագիրը 4-5-րդ դասարաններում.2023-2024թթ.
Պարտիզպան-այգեգործի ըտրությամբ գործունեության ծրագիր
Հանրակրթական պետական չափորոշիչ
Մասնակիցներ՝ 3-5-րդ դասարանի սովորողներ
Նպատակը՝
- շրջապատող միջավայրը դարձնել կանաչ, մաքուր, էսթետիկ
- արթնացնել ու ձևավորել սեր` բնության, հողի հետ աշխատանքների նկատմամբ
- վաղ հասակից սերմանել հոգատրություն բնության, բույսի, միջավայրի խնամքի նկատմամբ
- սովորեցնել վարվեցողություն բույսերի տնկման, պահպանման, բազմացման, ինչպես նաև աշխատանքային գործիքների տարբերակման, կիրառման ու օգտագործման հմտությունների մասին
- փոխանցել գիտելիքներ ու փորձ
Պարտիզապուրակային աշխատանքների ժամանակացույցն ըստ տարվա եղանակների
Գարնանային աշխատանքներ
- Ծառերի էտ
- Կրապատում
- Սերմնահավաք- սերմնացան
- Ծառատունկ
- Ծաղկատունկ
- բակի ամենօրյա խնամք, մաքրություն
Ամռային աշխատանքներ
- ճիշտ և ժամանակին ջրում
- Ճիմերի հունձ
- բակի ամենօրյա խնամք, մաքրություն
Աշնանային աշխատանքներ
- ծառերի ակոսների փխրեցում
- կորիզից տնկարանի ստացում
- թափված տերևների հավաքում
- ծառերի էտ` ըստ անհրաժեշտության
- ծառատունկ
- սիզախոտի ցանք
- բակի ամենօրյա խնամք, մաքրություն
Ձմեռային աշխատանքներ
- չորացած տերևների կուտակում, հողով ծածկում
- Սերմնահավաք- սերմնացան
- Ապաստարան այգու բույսերին
- դեկորատիվ ծառերի խորը էտ
- բակի ամենօրյա խնամք, մաքրություն
- ձյան մաքրում, տանիքներից կածված սառույցների հեռացում
- գարնան նախապատրաստական աշխատանքներ
- Ծառատունկ
Պարտիզպուրակային գործունեությն միջոցով պետական չափորոշիչի կատարողականը
Երկրագործական աշխատանքներ իրականացնելու ընթացքում սովորողները ձեռք են բերում պետական չափորոշիչի վերջնարդյունքով սահմանված հմտությունները և գիտելիքները․
- Դիտարկել, նկարագրել բույսերի հիմնական մասերը, դրանց գործառույթները, հետազոտել, ներկայացնել սերմերի ծլման, աճի գործընթացը և դրա համար անհրաժեշտ պայմաններ։
Այս կետի իրականացման համար գործնական մասն անցնում է դպրոց-պարտեզի այգում տարբեր սերմերի՝ սիզախոտ, ծաղիկներ, մագլցող բույսեր, ցանքեր իրականացնելով։ Ավելի մանրամասն՝ Սերմնահավաք- սերմնացան նախագծում։
- Ներկայացնել բուսական և կենդանական աշխարհի համար ջրի կենսական նշանակությունը։
Այս կետն առավել հասկանալի և տպավորիչ է դառնում ամռանը, երբ մեր իսկ կողմից ցանած սերմերից աճած կանաչն ունենում է ամենօրյա ջրելու, խնամքի կարիք, որին մասնակցում են սովորողները։ Այստեղ նրանք սովորում են ջրելու հմտություններին, որ տարածքն ինչպես պետք է ջրել՝ ռետինե խողովոկով, ցնցուղով, թե կաթիլային եղանակով, ինչ է կաթիլային համակարգը, դրա լավ ու վատ կողմերը,կամ ինչ քանակով ու օրվա որ ժամին է ճիշտ ջրել և այլն։
- Բացատրել աղբի տեսակավորման, վերամշակման, երկրորդային օգտագործման և թափոնների վերամշակման անհրաժեշտությունը բնապահպանության և խնայողության տեսանկյունից։
Բացի այն, որ դպրոցում պարբերաբար իրականացվում է աղբի տեսակավորում, աշնանն ընդառաջ միշտ բախվում ես մի անլուծելի թվացող խնդրի՝ ինչպես ազատվել տերևաթափից առաջացած տերևներից, որը նույնպես բնապահպանական է։ Այս խնդրի լուծումն էլ պարզվեց հնարավոր է իրականացնել սովորողների հետ՝ տերևներից հումուսի ստացում։ Այս աշխատանքի ընթացքում նրանք բացի բնապահպանական խնդիր լուծելուց տիրապետում են աշխատանքային գործիքներին, դրանց հետ աշխատելու անվտանգության կանոններին։ Բնապահպանական կարևոր աշխատանք է ծառատունկն ու ծաղկատունկը(նախագծերը՝ ստորև)։
Արդյունքը՝ Գործնական պայմաններում ձեռք բերված գիտելիքների կիրառում դպրոցում, տանը:
Շուշան Ալեքսանյան 