Ընտրությամբ գործունեության, դասընթացի ծրագիրը նախատեսվում է տվյալ դասընթացն ընտրած սովորողների համար, որոնք կարող են լինել՝
- Տարատարիք
- Դասընթացը մեկ կամ մի քանի տարի ուսումնասիրած
- Նոր ուսումնասիրել սկսող
Դասընթացի ծրագիրը պետք է կազմվի տարբեր հմտություններ ունեցող սովորողների համար՝ ապահովի նրանց ներառումն ուսումնական նախագծերում։
- Ներկայացվում է հեղինակային կրթական ծրագրի նկարագիրը՝ նպատակ, խնդիրներ, արդիականություն
Բույսերի և կենդանիների խնամք ընտրության գործունեության նպատակն է սովորողի մոտ ձևավորել տարբեր հմտություններ, կարողություններ իր շրջապատի բույսերի և կենդանիների նկատմամբ։ Կարողանա օգտվել այգեգործական տարբեր գործիքներից, տեղյակ լինի դրանցից օգտվելու անվտանգության կանոններից։ Բույսերի և կենդանիների նկատմամբ խնամքը թույլ է տալիս մարդկանց կապ հաստատել բնության հետ նույնիսկ քաղաքային միջավայրում: Այն հնարավորություն է ընձեռում դիտարկելու բույսերի աճի և կյանքի ցիկլերը, զարգացնելու պատասխանատվության զգացում և կապ բնական աշխարհի հետ, սեր ու հոգատարություն շրջապատող աշխարհի նկատմամբ։ Բույսերի, կենդանիների խնամքը կարող է արժեքավոր կրթական փորձ լինել բոլոր տարիքի անհատների համար։
- Ծրագիրն ըստ ժամաքանակի
Ժամաքանակը՝ շաբաթական 4 ժամ, տարեկան 34 շաբաթ
- Ներկայացվում է հեղինակային կրթական ծրագրի կազմակերպումը, ծրագրի կազմակերպման համար անհրաժեշտ միջավայրը
Բույսերի և կենդանիների խնամք ընտրած սովորողների խումբը ձևավորվելուց հետո առաջին քայլը ծանոթացումն է նախագծերին և դրանցից բխող աշխատանքներին, որոնք սովորաբար համապատասխանեցվում են եղանակին, կատարվելիք աշխատանքի առաջնայնությանը։ Խումբը բաժանվում է 2-3 փոքրիկ խմբերի, որոշվում է կատարվելիք աշխատանքը, վերցնում են անհրաժեշտ գործիքներն ու անցնում աշխատանքի։
Բույսերի և կենդանիների խնամքի ուսումնական միջավայր է՝ ուսումնական ագարակը, ջերմոց-լաբորատորիաները, բնագիտության լաբորատորիան, դպրոցի արտաքին և ներքին բակերը, ինչպես նաև հարակից այգիները
- Բովանդակությունը․ նախագծեր, ուսումնական նյութեր․
1․ դասավանդողի ներկայացրած անհատական նախագծեր
Պարտիզապուրակային գործունեություն
2․ լաբորատորիայի, դպրոցի օրացուցային նախագծեր, ստուգատեսային նախագծեր
3․ Ճամփորդական, ճամբարային նախագծեր, առարկայական նախագծեր
4․Գործնական, լաբորատոր աշխատանքներ․ առարկայական ծրագրի բովանդակային բաղարիչով որոշված
- Հեղինակային կրթական ծրագրի գնահատումը
- Հեղինակային կրթական ծրագրով որոշված վերջնարդյունքների ներկայացում
Վերջնարդյունքի համար, ուրաքանչյուր տարվա մայիս ամսին իրականացվում է շրջայց, որին մասնակցում են հյուրեր, ծնողներ, սովորողներ և դասավանդողներ, ովքեր էլ գնահատում են կատարված աշխատանքները։
Շուշան Ալեքսանյան 