Ուրցաձորի ջերմոց- տնկարանում

Այս անգամ ճանապարհը մեզ տարավ դեպի Ուրցաձոր։ Մենք որոշ չափով տեղյակ էինք ինչ էինք տեսնելու, ուր ենք գնում, բայց երբ այդ ամենը տեսնում ես սեփական աչքերով, հասկանում ես, թե որքան աշխատանք է տարվել և դեռ ինչքան անելիքներ կան, և ակամայից ուզում ես լինել այդ իրականության մի մասնիկը։ Այնտեղ մեզ դիմավորեց Վայրի բնության և մշակութային արժեքների պահպանման հիմնադրամի աշխատակից Էլլադան, ով շատ սիրով ներկայացրեց արդեն կատարված աշխատանքները և դեռ ապագայի պլանները։