Հարավային դպրոցում ես և իմ սովորողները տարբեր բակային նախագծեր ենք իրականացրել, հետևողական ենք եղել դրանց աճմանն ու խնամքին: Հիմա մի փորիկ ուսումնասիրություն ենք իրականացրել, հասկանալու համար, թե արդյունքում ինչ ունենք:
Սկսենք անցած տարի տնկած վայրի խաղողի շիվերից, որոնք տնկել էինք կանաչ պատ ունենալու նպատակով: Այժմ արդյունքն ավելի տեսանելի է: Այսօր մենք մաքրեցինք այդ տարածքը ավելորդ խոտերից:Շիվերն աճել, մեծացել են:
Հետո ուսումնասիրեցինք մեր խաղողի տնկարանի արդյունքները: Պարզվեց, որ տնկած շիվերի 1/3_մասը կպել է: Աշխատող շիվերը մյուս տարի կգտնեն իրենց տեղը Հարավային դպրոցի հյուսիսային կողմում:
Հիմա պատմենք դդմացանի արդյունքում ստացած դդմի սածիլների մասին: Դրանք բակ տեղափոխելուց մեկ ամիս հետո արդեն ծաղկել են. սպասում ենք դդումներին:
Իրականացրել ենք նաև աստղածաղկազգիների տարածումը, որի տարածման արդյունքնրն ավելի ուշ կերևան:
Լավ վիճակում են նաև նորատունկ բալենիները: